GONVLLEANCHO SONDEX” (Pastor’s Message) by Fr. Jorge Pazi Fernandes regarding Lent and the Pope’s intentions for March 2026.
PRACHIT KALL – ATMIK JIVITACHI NOVSORNI
Gobrachea budvarak thaun ami prachit kallant bhitor sorleanv, toyari paskanche porbek, Kristi jivitacho mukhel gutt ani porob. Prachit kall jivitacher nodor ghalop, nhiall korop, patkanchi dukh dovorop ani jivit bodolpachi pavlam morop.
Char chitnam tumchea mukhar ghaltam.
- Ontoskornnachi chovkoxi
- Devachem asnem bhogop
- Novi dixa
- Jivitachi bodolnni
1. Ontoskornnachi chovkoxi: Aplem jivit koxem cholta khuim hanv chukta hem zannam zavop ek ghorjechi ani mukhel amchea atmik jivitachi novsorni ani vhadd zavunk. Deva, mhoji chovkoxi kor ontoskornn topasun kadd mhoji poriksha kor, mhojim chintnnam vollkun ghe ani sasnachea jivitachea margar mhojim pavlam ghal. Amchea jivitachi barik topasnim ami kortanv ani khaltikaen amcheo chuki manun ghetanv tednam amchem jivit boldun borea margar haddunk zata. Vechitr putachi amkam kobhor asa konn bhaxen apli chuk vollkollea uprant Deva thaim to porot veta ami tosench korunk zai. (p. 1)
2. Devachem asnem bhogop: Onstoskornnachi chovkoxi kelea uprant ani apli chuk manun gheun ami Deva-xim porot vochunk goroz. Asa thuimch ravunk zainam. Ghor- dhar ani bapaik soddun ghell’lo put aplea bapaichea ghara porot yeta. Bapui taka dhanvdainam punn veng marun ani ek utor porian uloinastonam taka gheta ani novi nesonn ghalun taka aplea daijeacho odhikar dita. Dev amcho Bap, amam patkeamchi vatt polleun asa ani kumsarachea sonvskara vorvim novem jivit dita ani amkam sorginchea jivitache daiji korta. (
3. Novi dixa: Devache asnem ani magnnem amche otmik dolle ugollta ani novem jivit suru zata. Ami asulle thuinch ravunk zaina. Novea jivitant paulam marunk zai. Pornem, mhunge patki jivit soddun novem ani Devache kurpechem jiivit jieunk zai. Bhagevont Paulu to kuddo zata punn Jezu mellea uprant tachi dolle ugodtat, to Kristavank pidda-pidd ditalo tem soddun koxttantlean purian Jezuk porgotta. Ami toxench novi dixa ghevunk vaurum-ia.
4. Jivitachi bodolnni: Prachit kallacho mukhel hetu vaitt jivit soddun kurpechem ani mogachem jivitak veng marunk. Jezu aplo bhovxik vavr suru korta hea utranim “Jivit bolldat sorginchem raj lagim pavlam. Prachit Kallant amkam-i zonn ekleak Dev ulo marta. Xubh vell ho tumchea jivitacher nodor marunk anik borem jivit jieunk Ami chuktanv, amkam vait vondaunneo asat tem barik zannam zavun ami soddun diunk zai ani kurpechi ani mogachem jivit jieunk paul marunk zai.
He prachit kallacho foll koso amchi jib damun dovorum-ia ani vaitt ulovpachem soddun borem ulovya. Zoggddim dusmankai pois korun sondhanachem ani ekvotachem jivit jieunk zata titlem upai gheum-ia.